Jarene kowe wong jawa
Lha kok ora ngudi ulah basa
Kamgka keh tandha lan sasmita
Sing bias nuntun tumuju laku utama
Jarene kowe wong timur
Lha kok ninggal pakarti jujur
Kamangka ginelar akeh pitutur
Sing bias nglantarke ing papan luhur
Kanca……gumelare aksara jawa
Pasangan lan sandhangan pranyata aweh cecalan
Wong jawa kudu kende; lan digdaya
Uga lembah manah marang sesame
Waspadakna…….saaksara wae wis nguwuh cetha
Sanadyan disuku diwulu dipengkal lan dicakra
Setiban cecak pepet apadene kegubel sandhangan liya
Kabeh ora digawe rasa…. E malah saya terwaca
Yen ditulis kudu ngganduhul garis
Kang diarah bebrayan bias tentrem lan aris
Kurmat marang sedulur tuwa
Tresna asih marang kang tumaruna
Isih sinembuh sabdatama
Minangka gondhelan srawung lan kumawula
Aja dumeh
Sapa salah saleh
Becik ketitik ala ketara
Kalah cacak menang cacak
Yitna yuwana lena kena
Aja nglungguhi bantal
Aja ngidoni sumur
Aja mangan ing tengah lawang
Ajaninggal kokoh…..ora ilok
Iku kabeh garan piwulangan pembesut jiwa
Yen nyata kowe wong jawa
Ayo pacak baris kang santosa
Gumregut ngopeni piwulang pamasuh jiwa
Dimen ora ilang kegawa prahara lan
Keremet kejene kalamangsa
Tidak ada komentar:
Posting Komentar
Terima Kasih Komentarnya:)